Search here...
TOP
මව සහ ගර්භනී සම​ය

ගර්භනී සමයේදී පිහිනීමෙන් ඔබට අත්වන ප්‍රතිලාභ

ගර්භනී සමයේදී ඔබට නියැළීමට සුදුසු ව්‍යායාම මොනවාදැයි ඔබ තවමත් කල්පනා කරනවාද? එසේ නම් ඔබගේ ව්‍යායාම් ලැයිස්තුවේ පළමු තැන පිහිනීම සඳහා ලබාදීමට ඔබට පුලුවන්. ගර්භනී සමයේ ඉතා ආරක්ශිතව යෙදිය හැකි ව්‍යායාමයක් ලෙස පිහිනීම හැඳින්වෙන්නේ. එමගින් ඔබගේ සිරැරේ සෑම මාංශ පේශියක්ම ආවරණය වෙන අතර ගර්භනී කාලය පුරාවටම ආරක්ශිතව සහ වඩාත් සුවපහසුවෙන් යෙදීමට හැකියාව තිබෙනවා.

ගර්භනී සමයේදි ඇතිවන විවිධ මාංශ පේශී කැක්කුම් සහ වේදනාවන් සඳහා බොහෝමයක් සමනය කල හැකි සෞම්‍ය ව්‍යායාමයක් ලෙස පිහිනීම ප්‍රවීණයන් හඳුන්වනවා. ගර්භනී සමයේ ඉහළයන බර උසුලා සිටින ඔබගේ සිරැරේ මාංශ පේශීවල ඇති පීඩනය පිහිනීම නිසා අඩුවෙනවා. ඊට අමතරව,

– ඇතැම් ව්‍යායාම් මගින් ගර්භනි සමයේදී ඔක්කා‍රය සහ කැරකැවිල්ල ඇතිකලත් පිහිනීමෙන් එවැනි අපහසුතා මගහැරෙනවා.

– සිරැර උණුසුම් වීමෙන් වළකා සිසිළස ලබාදෙනවා

– ඉදිරියට නෙරා ඇති උදරය නිසා පිටුපස මාංශ පේශීන්ට එල්ලවන පීඩනය පාලනය කරනවා

– රුධිර සංසරණය වැඩි දියුණු කරනවා

– උදරය ආශ්‍රිත ප්‍රධාන මාංශ පේශීන් සවිමත් කරනවා

– diastasis recti වැළැක්වීම

– පිටකොන්ද ආශ්‍රිත වේදනාවන් සමනය කරනවා

– හෘද වාහිනීවල සෞඛ්‍යය සහ නම්‍යශීලී බව වැඩි දියුණුකිරීමට සහය වනවා

– ගර්භනී සමයේ සුවපහසුව සිටීමට සහ දරු ප්‍රසූතිය පහසු කිරීමට උපකාරි වෙනවා.

පිහිණුම් ව්‍යායාම වඩාත් සුදුසු කුමන ත්‍රයිමාසිකයට ද?

පිහිණීම එක් ත්‍රයිමාසිකයක් සඳහා පමණක් නොව සමස්ථ ගර්භනී සමය සදහාම ආරක්ශිත සහ ප්‍රතිලාභ ලබාදෙන ව්‍යායාම් ක්‍රමයක්.. ක්‍රමයෙන් ඉදිරියට නෙරා එන උදරය නිසා වෙනත් ව්‍යායාම් හි නියැළීම අපහසු වුවත් පිහිනීම එසේ නොවේ. එමෙන්ම විශේෂයෙන් පළමු ත්‍රයිමාසිකය තුළ බොහෝ කාන්තාවන් ට ඇතිවෙන වෙහෙස, ඔක්කාරය මගහරිනවා. ඒ වගේම උදරය වේගයෙන් නෙරා එන දෙවන ත්‍රයිමාසිකයේ ඇතිවෙන මාංශපේශි වේදනා සමනය කරන අතර තෙවන ත්‍රයිමාසිකයේ බොහෝ කාන්තාවන් පීඩා විඳින පාදය සහ වළලුකර ආශ්‍රිත ඉදිමුම් සහ අපහසුතාවයන් සමනය කරනු ලබනවා. විශේෂයෙන් ඔබගේ සිරැරේ බර කොපමණ වැඩි වුවත් එය පිහිනුම් ව්‍යායාම සඳහා බාධාවක් නොවේ. එමනිසා ගර්භනී සමයේ මාස නවය පුරාවටම ක්‍රියාශීලීව සිටීමට පිහිනීම ඉතා හොඳ තෝරා ගැනීමක්.

ව්‍යායාමයක් ලෙස පිහිනීම ඇරඹීමට හැකි ආකාරය

ඔබ ගැබ් ගැනීමට පෙර සිටම පිහිනීම සිදුකලා නම් ඔබට ගර්භනී සමයේදීද නිදහස් පිහිණුම් ශෛලියක් අනුගමනය කිරීමට පුලුවන්. නමුත් වෙනදා මෙන් නොව ගර්භනී සමයෙදි ඔබගෙ සිරැර මගින් පවසන ඉඟියන් කෙරෙහි අවධානය යොමුකල යුතුයි. ඇතැම් විට වෙනදා මෙන් ඉක්මනින් පිහිනීමට නොහැකි තරම් වෙහෙසක් ඔබට දැනෙන්න පුලුවන්. එමනිසා වෙනදාට වඩා මන්දගාමී වේගයකින් පිහිනීමට හෝ වැඩි විවේකයක් ගැනීමට අවධානය යොමුකල යුතු වෙනවා.

ඔබට විවිධ පිහිණුම් ආරයන් හුරුයි නම් ඒවායේ යෙදීමට පුලුවන්. විශේෂයෙන් සමනල ආර ගර්භනී සමය සඳහා වඩාත් සුවපහසුවක් ගෙන එනවා. ඔබට පහසු වේගයක් පවත්වා ගැනිමට අවධානය යොමුකරන්න. වේගය සම්බන්ධ ගැටළු ඇතිනම් වෛද්‍ය උපදෙස් ලබාගැනීමට යොමුවෙන්න. පිහිනීම සහ ජලයේ මත එහා මෙහා යාම ඔබට ව්‍යායාමයක් මෙන්ම ශාරිරික සහ මානසික ප්‍රබෝධයක් ලබාගැනීමට ඇති සාර්ථක ක්‍රමයක්.

«

»