Search here...
TOP
එදිනෙදා ජීවිත​ය පෝෂණ​ය

චොකලට් ඩෝනට්ස් හදන්නෙ මෙන්න මෙහෙමයි

අපි මීට කලින් දවසක ගෙනාවනෙ ලේසියෙන්ම ඩ්‍රොප් ඩෝනට්ස් හදන හැටි. ඔන්න අද අරන් ආවෙ හරිම ඩෝනට්ස් හරි විදියට හදන හැටි. බලන්නකො හදල.

 

ඩෝනට්ස්

අවශ්‍ය ද්‍රව්‍ය 

  1. පාන්පිටි ග්‍රෑම් 500
  2. යීස්ට් තේ හැඳි 4
  3. දිය කරගත් බටර් ටිකක්
  4. බිත්තර 1
  5. ලා රස්නෙ වතුර ටිකක්
  6. කිරි කෝප්ප 1
  7. සීනි කෝප්ප 1/2
  8. ලුණු

 

චොකලට් සෝස් එකට

  1. ඩාක් චොකලට් කෑලි 4-5ක්
  2. ෆ්‍රෙශ් මිල්ක් ටිකක්

 

  • පාන්පිටි මේස හැඳි 3කට යීස්ට් ටික මිශ්‍ර කරලා ඒකට ලා රස්නෙ (බබාලට කිරි දෙන රස්නෙන්) වතුර ටික දාලා කලවම් කරලා උකුවට හදාගන්න. ඒක විනාඩි 20ක් වහලා තියන්න.
  • ඒ අතරතුර භාජනයකට ඉතිරි පාන්පිටි ටික, සීනි, ලුණු, බිත්තරය හා දියකරගත් බටර් ටික දාලා අනාගෙන පිටි මිශ්‍රණය හදාගන්න. 
  • ඒකට කලින් හදාගත්ත යීස්ට් මිශ්‍රණය එකතු කරන්න. අතේ ඇලෙන මිශ්‍රණයක් තමයි එන්නෙ. දැන් ටික ටික කිරි එකතු කරගෙන හොඳට අනාගෙන තෙත රෙද්දකින් වහල තියන්න පැයක් වගේ.
  • දැන් ලෑල්ලකට පිටි ටිකක් ඉහලා ඩෝ එක තුනී කරගෙන ඩෝනට් කටර් එකකින් හෝ වෙන ඕනම රවුම් කටර් එකකින් කපාගෙන ගැඹුරු තෙලේ බැදගන්න. බැදගත්ත ඩෝනට්ස් ටික තෙල් බේරෙන්න තියන්න.
  • චොක්ලට් සෝස් එක හදන්න ඩාක් චොක්ලට් ඩබල් බොයිල් කරලා ඒකට කිරි ටිකක් එකතු කරලා උකු මිශ්‍රණයක් හදාගන්න.
  • ඩෝනට් එකින් එකට චොක්ලට් සෝස් තවරලා ස්ප්‍රින්කල්ස් ඉහගන්න.

«

»