කිරිබත් කන්න ලුණුමිරිස් වෙනුවට ඉකන් බිලිස් හදමු

කිරිබත් කන්න අපි හදන්නෙ ලුණුමිරිසක්, කට්ට සම්බෝලයක් නැත්නම් සීනි බෝලයක්නෙ. ඔන්න අද ගෙනාවෙ රසම රස වෙනස් කෑමක්. මේක මැලේෂියාවෙ ප්‍රසිද්ධ කෑමක්. හදන ක්‍රම නම් කීපයක්ම තියෙනව. ලේසියෙන් හදාගන්න පුළුවන් ක්‍රමයක් තමා මේ ගෙනාවෙ.

 

ඉකන් බිලිස්

අවශ්‍ය ද්‍රව්‍ය 

 

  1. හාල්මැස්සන් ග්‍රෑම් 100
  2. කපාගත් ළූණු ගෙඩි 2
  3. සෝයාසෝස් මේස හැඳි 1
  4. සීනි මේස හැඳි 1
  5. කඩාගත් වියලි මිරිස් කරල් 3-4ක්
  6. සියඹලා යුෂ ස්වල්පයක්

 

 

  • පෑන් එකට තෙල් ටිකක් දාලා රත්වෙනකොට හාල්මැස්සන් ටික දාලා බැදගන්න.
  • ඒ ටික අයින් කරලා ඒ පෑන් එකටම ලියාගත් ළූණු දාලා රන්වන් පාට වෙනකල් බැදගන්න. ඊළඟට චොප්කරගත් අමුමිරිස් දාලා බැදගන්න.
  • මේකට සෝයාසෝස්, සීනි එකතු කරන්න. ලුණු අවශ්‍ය නම් දාගන්න. සියඹලා යුෂ ටිකත් එකතු කරන්න. අන්තිමට බැදගත් හාල්මැස්සන් එකතු කරලා ලිපෙන් බාගන්න.
  • බ්ලෙන්ඩර් එකට දාල පොඩ්ඩක් බ්ලෙන්ඩ් කරගන්න.