ගර්භණී සමයේදී කකුල් කැක්කුමට හේතු වෙන්නේ මේ කරුණුයි

කකුලේ කැක්කුම නැත්නම් Leg cramps ගර්භණීභාවය හා සම්බන්ධ පොදු රෝග ලක්ෂණයක්. කැක්කුම විනාඩියකටත් අඩු කාලයක් පැවතියත් වේදනාව ඉතා උග්‍ර හා තීව්‍ර වෙන්න පුළුවන්. ඉතින් අපි ඔබට අද කියන්නේ ඒ ගැනයි…

 

අපට කකුල් කැක්කුම ඇති වන්නේ ඇයි?

 

කකුල් කැක්කුම ඇතිවීමට වඩාත් පොදු හේතුවක් තමයි ඔබේ බර වැඩි වීම. ඔබේ දරුවා සහ ඔබේ බඩ විශාල වෙනකොට, ඔබේ දරුවා රඳවා තබා ගැනීමේ පීඩනය ඔබේ කකුල් වලට දැනෙන්න පටන් ගන්නවා. තවත් හේතුවක් තමයි ඔබේ ගර්භාෂය ප්‍රසාරණය වෙනකොට එය හෘදයේ සිට කකුල් දක්වා රුධිරය යවන ස්නායු හා නහර වලට වැඩි පීඩනයක් ඇති කිරීම.

 

පොස්පරස් නිසාද කකුලේ කැක්කුම් ඇති වෙන්න පුළුවන් කියලා වෛද්‍ය ක්ෂේත්‍රය තුළ ද පුළුල් ලෙස අනුමාන කෙරෙනවා. ඒකට හේතුව පොස්පරස් ශරීරයට කැල්සියම් අවශෝෂණය කර ගැනීමට ඇති හැකියාවට බාධා කිරීමයි. පොස්පරස් යම් ප්‍රමාණයක් ශරීරයේ තිබීම හොඳ වුණත්, ඕනෑවට වඩා තියෙන එකෙන් කකුල් කැක්කුම ඇති වෙන්න පුළුවන්. ඔබ ගර්භණීව සිටිනකොට ඕනෑම අවස්ථාවක ඔබේ කැල්සියම් ප්‍රමාණය වැඩි කර ගන්න එක හොඳයි. නමුත් ඔබේ පොස්පරස් ප්‍රමාණය වැඩි නොකිරීමට වග බලා ගන්න. පොස්පරස් බහුල ආහාර අතරට ස්නැක්ස්, සිසිල් බීම සහ සැකසූ මස් ඇතුළත් වෙනවා. කොහොම උනත් කැල්සියම් අවශ්‍ය තරමට ලබාගත්තත් කකුල් කෙණ්ඩා පෙරලීමේ තත්ත්වය ඇතිවෙන්න පුළුවන්. ඒ කියන්නෙ කැල්සියම් ඌණතාවයක් නිසාම කෙණ්ඩා පෙරලෙන බවට අපිට නිගමනයකට එන්න අමාරුයි. මැග්නීසියම් අතිරේක ගැනීමත් මේ තත්ත්වය අඩු කරගැනීමට උපකාරි වෙනවා. ඔබේ වෛද්‍යවරයා හමුවීමෙන් තොරව කිසිම අතිරේකයක් ගන්න එපා.

 

ව්‍යායාම කරන්න

ඔබට ශක්තිමත් මාංශ පේශි තිබුණත්, ඔබේ පළමු මාස තුනේ ව්‍යායාම කිරීමට ඔබට නොහැකි වූවා නම් ඒවා තරමක් දුර්වල වෙන්න ඇති. ඒකේ ප්‍රතිඵලයක් වශයෙන් කැක්කුම ඇති වෙන්න පුළුවන්. ගර්භණී සමයේදී ඔබේ වෛද්‍යවරයා ඔබව ව්‍යායාම කරන්න එපා කියලා නැත්නම්, ඔබ වෙනත් ආකාරයක ව්‍යායාමයක් කරන්නේත් නැත්නම්, ඔබ දිනපතා ඇවිදීමට වග බලා ගන්න. ඇවිදීම ඔබේ කකුල් ශක්තිමත් කරන අතර රුධිර සංසරණය වැඩි දියුණු කරනවා. පැය භාගයක ඇවිදීමකින් ආරම්භ කරලා පසුව දිනපතා අවම වශයෙන් පැයක්වත් ඇවිදීමට කටයුතු කරන්න. කම්මැලි වෙන්න එපා. ඔබට දවසකට පැයක් වෙන් කර ගන්න අමාරු නම් ඔබට දිනකට දෙවරක් පැය භාගය බැගින් ඇවිදීමට උත්සාහ කරන්නත් පුළුවන්.

 

අදින්න

ඔබේ calf මාංශ පේශි අතිරේකව තබා ගැනීමට සහ කැක්කුම වළක්වා ගන්න බිත්තියේ සිට අඩි දෙක තුනක් පමණ මෙහායින් සිටගෙන සිටින්න, ඔබේ දෑත් දිගු කොට අත් බිත්තියට තබා තද කරන්න. සෙමෙන් ඔබේ වැලමිට නමලා ඉදිරියට නැඹුරු වන්න. දහයට ගණන් කරලා, සෙමින් නිදහස් කරන්න. මෙම සරල ව්‍යායාමය දිවා කාලයේදී කිහිප වතාවක්ම කරන්න. නින්දට යාමට පෙර 5 වතාවක් පමණ සෑම රාත්‍රියකම කරලා බලන්න.

 

ජලය

 

බොහෝ කාන්තාවන් ගර්භණී සමයේදී රාත්‍රියේදී වතුර බීම නවත්වන්නේ මුත්‍රා කිරීමට හා නාන කාමරයට නිතර යන්න වෙන වාර ගාන අවම කරගන්නයි. මවට සහ දරුවාට හොඳ රාත්‍රී විවේකයක් වැදගත් වෙනවා තමයි. කොහොම උනත් රාත්‍රී කාලයේ වතුර අඩුවෙන් ලබාගන්නවා නම් දිවා කාලයේදී දෛනික ජල අවශ්‍යතාවය සම්පූර්ණ වෙන්න වතුර බොන්න.

 

ඇඳුම්

 

සෑම විටම ලිහිල් ඇඳුම් අඳින්න. ඔබේ කකුල් වලට රුධිර ප්‍රවාහය සීමා කරන කිසිවක් අඳින්න එපා.

 

වාඩි වී සිටීම

Cross- legged ආකාරයෙන් ඉඳගන්න එක ගර්භණී සමයේදී පහසු සහ ප්‍රයෝජනවත් වෙනවා. මෙම පිහිටීම කකුල් වලට රුධිර ප්‍රවාහනයද වැඩි දියුණු කරනවා. හැකි සෑම විටම cross-legged ආකාරයෙන් හිඳගන්න. ඔබ පරිගණකයක වැඩ කරනවා නම්, පුළුල් පුටුවක cross-legged ආකාරයෙන් හිඳගෙන ඉන්න උත්සාහ කරන්න. සෑම උදෑසනකම එම ආකාරයට වාඩි වෙලා විනාඩි පහළොවක් ගැඹුරින් හුස්ම ගන්න.