සරුබව වැඩි කරගන්න ඔබ හුරුවෙන්න ඕන ස්වභාවික ක්‍රම දැනගමුද? (1 කොට​ස)

සරුබව පිළිබඳ ගැටළු පවුල් ජීවිත වලට බෙහෙවින් බලපානවා. වාසනාවකට මෙන්, ඔයාගේ සරුබව වැඩි කිරීමට සහ ඉක්මණින් ගැබ් ගැනීමට ස්වාභාවික ක්‍රම කිහිපයක් තියෙනවා. ආහාර හා ජීවන රටාව වෙනස් කිරීමෙන් 69% දක්වා සරුබව වැඩි කර ගැනීමට පුළුවන්. අද baby and me අපි ඔයාට සරුබව ඉහළ නැංවීමට සහ ඉක්මනින් ගැබ් ගැනීමට ස්වාභාවික ක්‍රම ටිකක් ගැන කියන්නයි මේ හදන්නෙ.

 

1. ප්‍රතිඔක්සිකාරක වලින් පොහොසත් ආහාර ගන්න

folate සහ සින්ක් වැනි ප්‍රතිඔක්සිකාරක මගින් පිරිමින්ගේ සහ කාන්තාවන්ගේ සාරවත් බව වැඩි දියුණු කරන්න පුළුවන්. තරුණ, වැඩිහිටි පිරිමින් දිනකට ප්‍රතිඔක්සිකාරක බහුල ආහාර ගැනීමෙන් ශුක්‍රාණු වල ගුණාත්මක භාවය වැඩි වෙනවා. ප්‍රතිඔක්සිකාරක අතිරේකයක් ගැනීමෙන් පිළිසිඳ ගැනීමේ අවස්ථාව 23% කින් වැඩි වන පරීක්ෂණ වලින් සනාථ කර ගෙන තියෙනවා. පලතුරු, එළවළු, ඇට වර්ග සහ ධාන්‍ය වැනි ආහාර වල විටමින් සී සහ ඊ, ෆෝලේට්, බීටා-කැරොටින් සහ ලුටීන් වැනි ප්‍රයෝජනවත් ප්‍රතිඔක්සිකාරක වලින් පිරී තිබෙනවා.

 

2. උදෑසන ආහාරය අනුභව කරන්න

උදෑසන ආහාරය අනුභව කිරීම සැලකිය යුතු ලෙස සරුබව පිළිබඳ ගැටළු අවම කර ගැනීමට කාන්තාවන්ට උපකාරී වෙනවා. එමගින් බහු අවයවික ඩිම්බකෝෂ සින්ඩ්‍රෝම් (PCOS) හි හෝමෝන වලට බලපෑම් කරන්න පුළුවන්. කාන්තාවන් උදෑසන ආහාරයට ගැනීම නිසා  ඔවුන්ගේ කැලරි ප්‍රමාණය වැඩි වීම, ඉන්සියුලින් මට්ටම 8% කින් සහ ටෙස්ටොස්ටෙරෝන් මට්ටම 50% කින් අඩු වෙනවා. කාන්තාවන් උදෑසන ආහාරයේ ප්‍රමණය වැඩි කර සහ රාත්‍රී ආහාරයේ ප්‍රමණය අඩු කර ගැනීමෙන් සාරවත් බව වැඩි දියුණු කර ගන්න පුළුවන්. කොහොම වුණත් රාත්‍රී භෝජනයේ ප්‍රමාණය අඩු නොකර උදේ ආහාරයේ ප්‍රමාණය වැඩි කිරීම ඔයාගේ බර වැඩිවීමට හේතු වන බව සැලකිල්ලට ගන්න.

 

3. මේද වලින් වළකින්න

සරුබව වැඩි දියුණු කිරීම සඳහා සෑම දිනකම සෞඛ්‍ය සම්පන්න මේදය ආහාරයට ගැනීම වැදගත් වෙනවා. නමුත් ට්‍රාන්ස් මේදය ඉන්සියුලින් සංවේදීතාවයට අහිතකර ලෙස බලපාන හෙයින් ඩිම්බකෝෂ වඳභාවයට පත්වීමේ වැඩි අවදානමක් ඇති වෙනවා. ට්‍රාන්ස් මේදය බහුලව දක්නට ලැබෙන්නේ hydrogenated  එළවළු තෙල් වල වන අතර සාමාන්‍යයෙන් සමහර මාගරින්, බැදපු ආහාර, සැකසූ නිෂ්පාදන සහ බේක් කළ ආහාරවල දක්නට ලැබෙනවා. 

 

4. කාර්බොහයිඩ්‍රේට් අඩු කරන්න

බහු අවයවික ඩිම්බකෝෂ සින්ඩ්‍රෝමය (PCOS) ඇති කාන්තාවන් සඳහා කාර්බොහයිඩ්‍රේට් අඩු ආහාර වේලක් අනුගමනය කිරීම සාමාන්‍යයෙන් නිර්දේශ කරනවා. කාබෝහයිඩ්‍රේට් අඩු ආහාර මගින් ඔයාට සෞඛ්‍ය සම්පන්න බරක් පවත්වා ගැනීමටත්, ඉන්සියුලින් මට්ටම අඩු කිරීමටත්, මේදය අඩු කිරීමටත් උපකාරී වෙනවා. කාර්බොහයිඩ්‍රේට් ප්‍රමාණය වැඩිවීමත් සමඟ වඳභාවයට පත්වීමේ අවදානම ද වැඩි වන බව පරීක්ෂණ වලින් සනාථ කර ගෙන තියෙනවා.

 

5. පිරිපහදු කළ කාබොහයිඩ්‍රේට් අනුභව කිරීම අඩු කරන්න

පිරිපහදු කළ කාබොහයිඩ්‍රේට් ගැටළු සහගත තත්ත්වයන් ඇති කළ හැක. පිරිපහදු කළ කාබොහයිඩ්‍රේට් සීනි සහිත ආහාර, බීම, පැස්ටා, පාන් සහ සහල් ඇතුළු සැකසූ ධාන්‍ය වල ඇතුළත් වෙනවා. කාර්බොහයිඩ්‍රේට් ඉතා ඉක්මණින් අවශෝෂණය කර රුධිරයේ සීනි සහ ඉන්සියුලින් මට්ටම ඉහළ යනවා. ඒ නිසා මෙවැනි ආහාර ගැනීමට පෙර සිතා බලන්න.

 

6. වැඩිපුර කෙඳි සහිත ආහාර අනුභව කරන්න

තන්තු ඔයාගේ ශරීරයේ අතිරික්ත හෝමෝන ඉවත් කිරීමට සහ රුධිරයේ සීනි සමතුලිතව තබා ගැනීමට උපකාරී වෙනවා. ඉහළ තන්තු සහිත ආහාර වලට ධාන්‍ය වර්ග, පලතුරු, එළවළු සහ බෝංචි ඇතුළත් වෙනවා. සමහර වර්ගයේ තන්තු මගින් බඩවැල්වල බන්ධනය වී ඇති අතිරික්ත එස්ටජන් අපද්‍රව්‍යයක් ලෙස ශරීරයෙන් ඉවත් කරනු ලැබෙනවා.

 

7. ප්‍රෝටීන් බහුල ආහාර එකතු කර ගන්න

සමහර සත්ත්ව (මස්, මාළු සහ බිත්තර වැනි) සහ එළවළ (බෝංචි, ඇට වර්ග සහ බීජ වැනි) වල ප්‍රෝටීන් ඇති නිසා වඳභාවයට පත්වීමේ අවදානම අඩු කරනවා. වැඩිපුර ප්‍රෝටීන් ආහාරයට ගැනීමෙන් වඳභාවයට එරෙහිව සටන් කළ හැක. එමනිසා, ඔයාගේ ආහාරයට මස් සහ එළවළු, බෝංචි, පරිප්පු වැනි ප්‍රෝටීන් බහුල ආහාර එකතු කර ගැනීම ගැන සලකා බලන්න.