දෙවැනි ත්‍රෛමාසිකයේදී ඔබ නිදාගත යුතු ආකාරය ගැන දැනුවත් වෙන්​න

ගර්භණී සමයේදී කාන්තාවන් සුවපත් නින්දක් ලබා ගැනීමට විශාල අරගලයක යෙදෙනවා. දෙවන ත්‍රෛමාසිකයේදී ගර්භණී කාන්තාවන් අපේක්ෂා කරපු නැති විදිහට වෙහෙසට පත් වෙනවා. බොහෝ මව්වරුන්ට වැඩි ජවසම්පන්න බවක් දැනෙන්නට පටන් ගත්තද, දෛනික ක්‍රියාකාරකම්වල යෙදෙන විට ටිකෙන් ටික දුර්වල වෙන්න පටන් ගන්නවා. ඒ නිසා දෙවන ත්‍රෛමාසිකයේදී සුවපත් නින්දක් භුක්ති විඳින්න ඕනේ. අද baby and me අපි ඔයාට දෙවැනි ත්‍රෛමාසිකයේදී ඔබ නිදාගත යුතු ආකාරය ගැනයි කියන්න හිතුවේ.

පළමු ත්‍රෛමාසිකයේදී ඔබ නිදාගත යුතු ආකාරය ගැන දැනුවත් වෙන්​න

තෙවැනි ත්‍රෛමාසිකයේදී ඔබ නිදාගත යුතු ආකාරය ගැන දැනුවත් වෙන්​න

 

ඔක්කාරය අඩුවීම

ඔක්කාරය අඩුවීම සහ හෝමෝන මට්ටම අඩු වීමත් සමඟ නිතර වමනය කිරීමේ අවශ්‍යතාවය අඩු වෙනව. සමහර ගැබිණියන්ට දෙවන ත්‍රෛමාසිකයේත් ඔක්කාරය තියෙන්න පුළුවන්. දෙවන ත්‍රෛමාසිකයේදී ගර්භණී කාන්තාවන්ට සැරින් සැරේ මුත්‍ර කිරීමට අවශ්‍යවීම වැඩි වන නිසා රාත්‍රියේදී එක් වරකට වඩා නැගිටිනවා.  

 

ආම්ලිකතාවය

ටිකෙන් ටික විශාල වන ගර්භාෂය සඳහා ඉඩකඩ සැලසීම සඳහා, ප්‍රාචීරය සීමා කර ඇති අතර හුස්ම ගැනීමට වඩාත් අපහසු වෙනවා. උඩුබැලි අතට නිදා ගතහොත් ආම්ලිකතා ඇති වෙන්න පුළුවන්.

 

දෙවන ත්‍රෛමාසිකයේදී නිදා ගැනීමට උපදෙස් 

අජීර්ණ වළක්වා ගැනීම සඳහා කුළුබඩු හෝ බැදපු ආහාර විශාල ප්‍රමාණයක් අනුභව කිරීමෙන් වළකින්න. අජීර්ණ ගැටලුවක් නම්, කොට්ටය මත උසට හිස තබා නිදාගන්න. එසේම, දවස පුරා පොඩි පොඩි ආහාර අනුභව කරන්න.

ඔයාගේ දෙවන ත්‍රෛමාසිකයේදී වඩා හොඳ නින්දක් භුක්ති විඳින්න. රාත්‍රියේදී අවම වශයෙන් පැය අටකට ආසන්න කාලයක් හොඳ නින්දක් ලබා ගන්න.

නිදා සිටින විට දණහිස සහ ඉණෙන් නැමී පැත්තට වැතිර සිටින්න. ඔයාගේ දණහිස අතර, උදරයට යටින් සහ පිටුපසට  කොට්ට තබන්න. 

නපුරු සිහින හෝ කරදරකාරී සිහින ඔයාව පීඩාවට පත් කරන්නේ නම්, චිකිත්සකයෙකු හෝ උපදේශකයෙකු සමඟ කතා කර උපදෙස් ලබා ගන්න.