උදේ කෑමට ස්පැනිෂ් ඔම්ලට් එකක් හදාගන්න මෙන්න රෙසිපි

ඔන්න උදේ කෑමකට ගුණදායක වගේම සැහැල්ලු කෑමක් කන්න කැමති ඕනම කෙනෙක්ට හදාගන්න පුළුවන් රස කෑමක් තමා මේ ස්පැනිෂ් ඔම්ලට්. බලන්නකො ලේසියෙන්ම හදාගන්නත් පුළුවන්.

 

ස්පැනිෂ් ඔම්ලට්

අවශ්‍ය ද්‍රව්‍ය

 

  1. බිත්තර දෙකක්
  2. පොඩියට කපාගත් ළූණු
  3. සිහින්වට පෙති කපාගත් අල
  4. ලුණු
  5. එළවළු තෙල්

 

  • මුලින්ම එළවළු තෙල් ලිපේ තියල කපාගත්ත ළූණු සහ අල ගැඹුරු තෙලේ බැදගන්න. 
  • බිත්තර දෙකට ලුණු ටිකක් දාල හොඳින් හැන්දකින් කලවම් කරලා බැදගත්ත ළූණු, අල මිශ්‍රණයත් ඒකටම දාල හොඳින් කලවම් කරගන්න. විනාඩි 15ක් විතර වහල පැත්තකින් තියාගන්න.
  • දැන් මේ මිශ්‍රණය තෙල් තවරල රත්කරගත්ත පෑන් එකකට දාල යටපැත්ත හොඳින් බැදෙනකන් විනාඩි 2ක් 3ක් අඩු ගින්දරේ තියන්න.
  • පෑන් එකට උඩින් පිඟානක් තියල පරිස්සමට පෑන් එක අනිත් පැත්ත හරවල ඔම්ලට් එක පිඟාන උඩට අරගෙන එහෙමම නොබැදුණු පැත්ත පෑන් එකට දාගන්න.
  • දැන් ඒ පැත්තත් විනාඩි දෙකක් විතර අඩු ගින්දරේ බැදගෙන ලිපෙන් බාගන්න.