ගැබිණි සමයේදී අවශ්‍ය ‍යකඩ ලබාගන්න මෙම උපදෙස් පිළිපදින්න 

ඔබේ ශක්ති මට්ටම ඉහළ මට්ටමක තබා ගැනීම සඳහා ගර්භණී සමයේදී ඔබේ රුධිරයේ වැඩි යකඩ ප්‍රමාණයක් තිබීම අත්‍යාවශ්‍ය දෙයක්. ඒ නිසා අනිවාර්‍යෙන්ම ගර්භණී සමයේදී ඔබේ යකඩ අවශෝෂණ හැකියාව උපරිම කර ගැනීම සඳහා යකඩ අධික ආහාර අනුභව කිරීමට වග බලා ගන්න. ගර්භණී සමයේදී ඔබේ යකඩ අවශ්‍යතාවය සම්පූර්ණ කර ගන්න පුළුවන් ටිප්ස් කීපයක් මේ ලිපියෙන් අපි ඔබට කියන්නම්…

 

යකඩ වැඩි කරන ආහාර අනුභව කරන්න

විටමින් සී අධික ආහාර (ඇඹුල් පළතුරු, ස්ට්‍රෝබෙරි, කොළ පාට බෙල්පෙපර්, කිවි) යකඩ අඩංගු ආහාර සමඟ ආහාරයට ගන්නකොට ගර්භණී අවධියේදී අවශ්‍ය යකඩ අවශෝෂණය ප්‍රමාණය වැඩි කර ගන්න පුළුවන්. කිරි, තේ, කෝපි සහ ප්‍රත්‍යාම්ල (antacids) යකඩ අවශෝෂණය වළක්වනවා.

 

යකඩ පිළිබඳ මිථ්‍යාවන් 

ඔබේ මව ඔබට නිතරම නිවිති අනුභව කරන්න කිව්වා මතකද? ඔව්, නිවිති යකඩ වලින් ගොඩක් පොහොසත්. නමුත් බොහෝ විට එම යකඩ මිනිස් බඩවැල් හරහා අවශෝෂණය කරගන්න බෑ. අවශෝෂණය කරගත නොහැකි යකඩ විශාල ප්‍රමාණයක් අඩංගු වෙන මේ වගේ තවත් ආහාර තිබෙනවා. එළවළු සහ බිත්තර කහ මදය තුළ ඇති යකඩත් හොඳින් අවශෝෂණය වෙන්නේ නෑ. 

 

ලේබල කියවන්න

සමහර ආහාර ලේබල් වල සඳහන් කරලා තියන “යකඩ” ප්‍රමාණය ඔබව නොමඟ යවන සුළු වෙන්න පුළුවන්. වඩා පෝෂණීය වැදගත්කමක් දෙන්නේ “මූලද්‍රව්‍ය යකඩ”(elemental iron) යි. එයින් අදහස් කරන්නේ ශරීරයේ අවශෝෂණය සඳහා ලබා ගත හැකි යකඩ ප්‍රමාණය ගැනයි.

 

යකඩ වලින් පොහොසත් ආහාර තෝරන්න

මෙවන් ආහාර ලෙසට පීකුදු, හරක් මස්, බෙල්ලන්, සාඩින්, ටූනා, ඉස්සන්, ඇප්රිකොට් ඇට, අත්තික්කා, පීච්, මුද්දරප්පලම්, පාන්, ධාන්‍ය වර්ග (යකඩ වලින් ශක්තිමත්), පැස්ටා, ඇට වර්ග, පරිප්පු, අර්තාපල් නම් කරන්න පුළුවන්.